ОСТВАРИ ЈА ВИЗИЈАТА!

Универзум од можности за идните стартап ѕвезди и бизнис ангели!

Што е ЦЕЕД?

Центар за развој на менаџери и претприемачи (ЦЕЕД) е организација која е дел од глобална мрежа на центри за бизнис поддршка со седиште во Вашингтон, САД, и која од 2007 година опслужува над 2000 компании, менаџери, претприемачи, тимови и потенцијални претприемачи преку обуки, консултации, менторство, вмрежување, имплементирање приетприемачки проекти, но најмногу преку секојдневно живеење со предизвиците на своите клиенти.

Често поставувани прашања

ЗА СТАРТАПИ

• Кои се условите што треба да ги исполнам за да станам дел од Investment Readiness Program?

  Да си основач на стартап (иновативна компанија со потенцијал за брз раст, не постара од 6 години), да си во можност да ги посетуваш сесиите, да си отворен за партнерство со бизнис ангели во форма на инвестиција и да си посветен исклучиво на својот стартап (водењето стартап да не ти е хоби).

• Што можам да очекувам од Investment Readiness Program?

  Можеш да очекуваш директен пристап до инвеститори, поддршка при подготовка на документи потребни за пристап до инвестиции, индивидуални и групни сесии, средби со домашни и странски експерти, размена на искуства и знаење, многу дружење (за сега онлајн) и контакти со лица од екосистемот кои се подготвени да овозможат поддршка и помош. Вклучувањето во Investment Readiness Program значи и вклучување во заедницата на ЦЕЕД која брои неколку илјади претприемачи и менаџери со различни искуства, знаења и бизнис приказни.

• Како да аплицирам?

  Со пополнување на формуларот на почетокот на странава влегуваш во базата на апликанти. Најдоцна до 5ти Ноември 2021 ќе добиеш известување дали твојот стартап е дел од програмата. Во меѓувреме, може да добиеш повик од нашиот тим за подетални информации.

• Кога започнува програмата и колку време трае?

  Програмата започнува на 12 Ноември 2021 год со работилница (bootcamp) што трае 3 дена, а ќе заврши на 17 Декември 2021 год со ден на презентирање на бизнис идеи (DEMO DAY). Сесиите за bootcamp-от ќе започнуваат во 13.00/16.30 и ќе траат до 15.00/18.30 часот. Во следните 6 недели сесии ќе се одржуваат два пати неделно од 13.00 до 15.00 часот (вторник и четврток), а сесии по потреба можат да се договорат и во меѓувреме.

• Дали програмата ќе се одржува онлајн или со физичко присуство?

  Имајќи ја предвид успешноста на претходната онлајн Investment Readiness Program, овој пат очекуваме уште поголем успех, знаејќи ги предизвиците од онлајн средбите. Кога временските услови ќе го дозволат тоа, во дворот на хабот ќе имаме средби за вмрежување со почитување на сите здравствени протоколи и мерки. За времетраење на целата програма може да ги користите просториите на Хабот без надоместок, почитувајќи ги сите мерки и протоколи за Ковид-19.

• Кои се бенефитите од Investment Readiness Program?
  • Можност за инвестиција од бизнис ангелите на ЦЕЕД Македонија. Оваа можност е со натпреварувачки карактер, така што најуспешните ќе започнат преговори за инвестирање.
  • Подготвени документи за пристап до финансии што ќе ви бидат потребни и за друг тип инвестиции од други извори
  • Фидбек за потенцијалот на вашиот стартап, тимот и останатите аспекти на бизнисот
  • Вредни долготрајни контакти
  • Членство во ЦЕЕД заедницата
• Дали може да се пријават тимови?

  Да. Очекуваме стартапите да учествуваат со своите тимови. Доколку тоа не е можно, ги каниме тимовите да бидат присутни најмалку на bootcamp-от и на DEMO DAY.

• Каков тип инвестиција би имал на располагање?

  Имајќи предвид дека се работи за приватни инвеститори, типот на инвестиција е предмет на преговори и договор. Во ЦЕЕД Клубот на бизнис ангели најчесто инвестициите се во вид на удел во компанија, конвертибилен заем или комбинација од двата типа.

• Колкава инвестиција може да очекувам?

  Вообичаено бизнис ангелите во Македонија инвестираат од 30.000 до 50.000 еур, но можни се исклучоци.

ЗА БИЗНИС АНГЕЛИ

• Кои се условите за зачленување во ЦЕЕД Клубот на бизнис ангели?

  За да бидете дел од ЦЕЕД Клубот на бизнис ангели потребно е да имате волја да помагате на претприемачи кои се на почетокот од патот до успехот преку: финансиска поддршка, менторство, контакти, советувања, индивидуални средби. Во однос на техничките услови, потребно е да:

  • Имате водено/да водите бизнис најмалку 6 години
  • Да одвоите 5.000 – 10.000 еур годишно за инвестирање во стартапи
  • Да одвоите време за ваши обуки спроведени од ЦЕЕД со цел подобри инвестиции и поголем бенефит за вас и стартапот во кој инвестирате
  • Да одвоите време од неколку часа месечно за поддршка / средби со стартапи
  • Да платите годишна членарина од 600 еур.
• Како можам да аплицирам за членство?

  Се аплицира преку пополнување на формуларот најгоре на страната, по што следува интервју и информации за деталите на членството, обврските и бенефитите. Доколку бизнис ангелот го потврди членството се потпишува договор за членство.

• Што можам да очекувам од ЦЕЕД Клубот на бизнис ангели?
  • Најмалку 2 pitching сесии годишно
  • Подготвени стартапи за инвестирање
  • Можност за инвестирање во квалитетни стартапи
  • Редовни обуки од врвни професионалци
  • Peer learning од други бизнис ангели
  • Покани за учество на меѓународни настани
  • Вмрежување и контакти со релевантни лица од екосистемот
  • Членство во ЦЕЕД заедницата
  • Членство во EBAN (European Business Angel Network) преку членството на ЦЕЕД
• Кои се бенефитите од членството во ЦЕЕД Клубот на бизнис ангели?

  Може да се обучите и да станете инвеститор во мали брзорастечки компании и со тоа да стекнете финансиска добивка, како и да направите импакт во заедницата преку помош на млади и перспективни претприемачи.

Оствари Ја Визијата

Универзум од можности за идните стартап ѕвезди и бизнис ангели!